Türkiyə klubundan Branimir Subaşiçlə bağlı rəsmi açıqlama
Futbol üzrə Azərbaycan millisinin sabiq hücumçusu Branimir Subaşiçin klubu “Orduspor”dan futbolçumuzun gələcək karyerası ilə bağlı açıqlama verilib. Azerisport.az xəbər verir ki, yerli mətbuata danışan Türkiyə təmsilçisinin mətbuat katibi Durmuş Karaağaç 32 yaşlı forvardla yollarını ayıracaqlarını deyib.
Klub rəsmisi milliləşdirilmiş serbiyalının məvacibinin yüksək olduğu üçün göndəriləcəyini bildirib: “Yeni mövsüm öncəsi Aleksandr İoniçe və Branimir Subasiçlə yollarımızı ayırmağı düşünürük. Çünki hər iki futbolçunun maliyyəti çox yüksəkdi. Onların komanda üçün etdiklərini isə müzakirə etmək olmaz. Amma biz növbəti mövsümdə daha az maliyyətli və daha çox iş görən futbolçularla yolumuza davam etmək istəyirik. Hazırda Subaşiçi “Boluspor” və “Bucaspor” klubları transfer etmək istəyirlər”.
