Qurban Qurbanov: 1-2 xırda problemi nəzərə almasaq, razıyam
Azərbaycan çempionu "Qarabağ" dünən 5-ci yoxlama oyununda Almaniyanın "Sonnenhof Qroşşaspax" komandasıyla qarşılaşdı. Azerisport.az xəbər verir ki, almanlarla qarşılaşmadan 6:1 hesabıyla qalib ayrılan komanda bununla da son hazırlıq matçını arxada buraxdı.
"Qarabağ"ın baş məşqçisi Qurban Qurbanov klub saytına verdiyi açıqlamada geridə buraxdıqları oyunları, həm də qarşıdakı planlar haqda danışıb: "Öncədən burda (Avstriyada) 5 oyun keçirməyi planlaşdırırdıq. İlk 2 oyunda məğlub olsaq da, sonradan qələbələr qazandıq. Əvvəlki oyunlarda hazırlığa yeni başlamışdıq. Sonradan tədricən proqramımıza uyğun çalışmalaramızı yerinə yetirdik. Ümumi götürdükdə oyunlardan razı qaldım. Düzdü, belə tipli oyunlarda hesab bir o qədər əhəmiyyət kəsb etmir. Amma futbolçuların əzmindən razı qaldım. 1-2 xırda problemi nəzərə almasaq, hazırlıqdan narazılığım yoxdu. İndi qarşıdan "Valletta" ilə oyun var. Matça qədər haradasa, 1 həftə vaxtımız var. İndi diqqətimizi bu qarşılaşamanın hazırlığına yönəldəcəyik".
