Jerve Martel: Hafiz Məmmədov olmasaydı, indi Lans da olmazdı

Fransa "Lans"ının prezidenti Jerve Martel bəyan edib ki, azərbaycanlı biznesmen Hafiz Məmmədov bu klubda ciddi dəyişikliklər etmək istəyi ilə bağlı ona heç nə deməyib. Azerisport.az xəbər verir ki, klub prezidenti açıqlamasında bunları söyləyib:

"Mən düşünmürəm ki, bu sözlər 25 ildi bu sahədə olan mənə yönəlib. Mən DNCG-nin işinə müdaxilə edə bilmərəm. Onların məlum tələbləri və müddəti var. Mən bütün sutkanı "Lans"ın Liqa 1-də çıxış etməsi üçün çalışıram. Əgər Hafiz Məmmədov olmasaydı, "Lans" indi olmazdı. Məmmədov hesab edir ki, DNCG ilə bağlı məsələ müsbət həllini tapacaq. Ötən həftə onlarla 8 saat danışıq apardıq".