Çovillo: Neftçiyə kimin favorit olduğunu göstərəcəyik

Sloveniyanın "Koper" klubunun hücumçusu Miroslav Çovillonun azerisport.az saytına müsahibəsi

- Avropa Liqasının birinci təsnifat mərhələsində Monteneqro "Çelik"i üzərində 5:0 hesablı qələbə qazandız. Buna necə nail olduz?
- İlk dəqiqələrdən rəqib qapısı qarşısında təhlükəli vəziyyətlər yaratmağa başlamışdıq. Bunlardan maksimum yararlanmağa çalışdıq. Bizim bu üstünlüyümüz hesabda da öz əksini tapmalı idi.

- Belə darmadağın gözləyirdiz?
- Xeyr. Düzdü, qələbə qazanmaq istəyirdik, amma 5:0... Biz klubun tarixinə düşdük. Buna qədər heç vaxt bu hesabla qalib gəlməmişdik.

- Sloveniyadakı cavab görüşü haqda nə düşünürsüz?
- Bəs siz nə düşünürsüz? (gülür) Əlbəttə, növbəti mərhələyə vəsiqə qazanmaq istəyirik. Hansı ki, bizi orada "Neftçi" ilə duellər gözləyir.

- Artıq nəsə düşünməyə başlamısız?
- Qoy "Neftçi" bizi gözləsin.

- Şansları necə dəyərləndirirsiz?
- Hələ heç bir oyun olmayıb. Odu ki, şanslar bərabərdi.

- "Neftçi" barədə məlumatınız var?
- Bəli, bilirik ki, ölkənin ən titullu klubudu, Avroliqanın qrup mərhələsində oynayıb. Amma biz onlara kimin favorit olduğunu göstərəcəyik. Öz gücümüzə çox inanırıq. Amma "Neftçi" "Çelik" qədər zəif deyil. Olmaya siz bizim elə hesabla uduzacağımızı gözləyirsiz?

- Futboldu, hər şey ola bilər...
- Düzdü. Amma biz elə uduzmamaq üçün kifayət qədər güclüyük. Şəxsən mən Bakı komandasına qol vurmağa çalışacam. Təki, şans düşsün.