Asif Məmmədov: Bakıda da qələbəyə oynayacağıq

"İnter"in futbolçusu Asif Məmmədov Avropa Liqasının birinci təsnifat mərhələsi çərçivəsində Moldova "Tiraspol"una qarşı keçirdikləri ilk oyundan sonra fikirlərini açıqlayıb. Azerisport.az saytına açıqlamasında o, 3:2 hesabıyla qalib gəldikləri oyunuu belə şərh edib:

"Matç yaxşı başladı. Erkən qoldan sonra meydanda üstünlük biz tərəfdə idi. 3 qol vurandan sonra qapımızda 2 qol gördük. Əlbəttə, gərək 2 qol olmazdı. Fikrimcə, səfərdə oynamağımıza baxmayaraq, yetərincə yaxşı təsir bağışladıq. Duelin taleyi həll olunmayıb. Kiçik üstünlük biz tərəfdə ola bilər. Unutmayaq ki, ikinci oyun var. "Tiraspol"un itirəcəyi heç nə yoxdu. Sona qədər mübarizə aparacaqlar. Səfərdə qələbə qazanandan sonra cavab matçında da yalnız qələbəyə oynayacağıq".