Tiraspolun futbolçusu: İnterin bəxti gətirdi
Moldovanın "Tiraspol" klubunun futbolçusu Georgi Karaneyçev azerisport.az saytına müsahibəsində Avropa Liqasının birinci təsnifat mərhələsi çərçivəsində Bakı "İnter"inə qarşı keçirdikləri oyunla bağlı fikirlərini açıqlayıb.
- "İnter"ə məğlubiyyətinizə nə səbəb oldu?
- Bilmirəm. Bircə onu başa düşürəm ki, hamı məyusdu. Uduzmaq istəmirdik. Buna inanmırdıq. Amma belə alındı.
- Sizcə, "İnter" sizi hansı komponentlərdə üstələdi?
- İlk 10 dəqiqədəki ilk iki qolda. Ondan sonra biz təzyiq altında oynamağa başladıq. Düzünü deyim ki, mən bunu gözləmirdim.
- "İnter" qələbəyə layiq idi?
- Mənə elə gəlir ki, onların bəxti gətirdi. Əgər bizim daha 10 dəqiqə vaxtımız olsaydı, hesabı bərabərləşdirəcəkdik.
- Bakıda qələbə qazana bilərsiz?
- Niyə də yox? Bu, futboldu. İstənilən nəticə qeydə alına bilər.
- Cavab matçında şansları necə qiymətləndirərdiz?
- Bakıya qələbə üçün gələcəyik. Bizim hədəfimiz mərhələ adlamaqdı. Şanslarımız da pis deyil.
