Subotiç: Azərbaycan mənim üçün artıq keçmişdə qalıb
"Qəbələ"nin sabiq hücumçusu Daniel Subotiçin azerisport.az saytına müsahibəsi
- Sabiq komandanızın Avropa Liqasında Bosniya və Herseqovina "Şiroki Briyeq"inə qarşı oyununu izlədiniz?
- Hə. Məyus oldum. Komandanın tarixindəki ilk avrokubok matçından qalib ayrılmasını istəyirdim.
- Sizcə, "Qəbələ"nin uğur qazanmasına nə mane oldu?
- Çoxlu amillər mövcuddu. Amma mən onları saymaq istəmirəm. Komanda sadəcə, çox pis oynadı. Uşaqlara cavab görüşündə uğurlar arzulayıram. Asan olmayacaq.
- Oyundan sonra çoxları belə bir fikir irəli sürdü ki, ötən il çıxış edən heyət saxlanılsaydı, xüsusilə Subotiç hücumda olsaydı, hər şey tam fərqli bitəcəkdi...
- (gülür) Bu barədə heç nə deyə bilmərəm. Olanları geri qaytarmaq mümkün deyil.
- Siz "Qəbələ"ni niyə tərk etdiniz?
- Ailləmlə bağlı problem vardı. Ona görə. Başqa bir səbəb yox idi.
- Ola bilər ki, yenidən "Qəbələ"yə qayıdasız?
- Fikrimcə, yox.
- Bəs nə planlaşdırırsız?
- Hələ ki, heç nə.
- Deməli, sizi Azərbaycanda bir daha görməyəcəyik?
- Azərbaycan mənim üçün artıq keçmişdə qaldı. Mümkündü ki, Səudiyyə Ərəbistanına yollanım. Orada mövsüm hələ başlamayıb.
