Adrian Ropotan: Qəbələ Şiroki Briyeqdən daha güclüdü

"Qəbələ"nin yeni transferi Adrian Ropotanın azerisport.az saytına müsahibəsi

- Niyə məhz "Qəbələ"ni seçdiniz?
- Yaxşı təklif idi. Dorinel Muntyanunun bu komandanın baş məşqçisi olması isə xüsusi rol oynadı.

- Muntyanu amili sizin üçün vacibdi?
- Demək olar. Digər təkliflər də var idi. Amma "Qəbələ"nin Avropa Liqasına vəsiqə qazanması da seçimimə təsir etdi. Həm də mən iddialı komandalarda oynamağa üstünlük verirəm.

- Artıq xeyli vaxtı komandayla birgəsiz. Necədi?
- Şərait yaxşıdı. Həm də azərbaycanlılar rumınlara oxşardılar. Xeyirxah və emosionaldılar.

- Komandaya gec qoşulmağınız Avropa Liqasındakı çıxışınıza təsir göstərə bilər?
- Psixoloji baxımdan hazıram. Fiziki cəhətdən də özümü hazır hiss edirəm. Bura uğur qazanmaq üçün gəlmişəm. Bu yolda əlimdən gələni edəcəm.

- Sizcə, komandanız Avroliqada nəyə nail ola bilər?
- Yaxşı heyətimiz var. Fikrimcə, birinci mərhələdə uğur qazana bilərik. "Şiroki Briyeq"i ilk oyunda məğlub etmək lazımdı. Özü də elə hesabla qalib gəlməliyik ki, səfərdə işimiz asan olsun.

- Gücünüz yetəcək?
- Fikrimcə, "Qəbələ" "Şiroki Briyeq"dən daha yaxşı komandadı. Çox şey öz oyunumuzdan asılıdı.

- Muntyanunu yaxşı tanıyırsız. Maraqlıdı, o, "Qəbələ"yə necə futbol oynadacaq?
- Düşünürəm ki, komanda topla daha çox davranacaq, öz intizamı ilə fərqlənəcək. Qalan hər şeyi isə çempionat başlayanda görəcəksiz.