"Səfərdə qalib gəlməsək, Bakıda özümüzü çətinə salacağıq"
"İnter"in qapıçısı Səlahət Ağayev Moldova "Tiraspol"uyla ilk matç haqda danışıb. Azerisport.az saytına açıqlamasında o, Avropa Liqasındakı ilk oyun ərəfəsində bunları söyləyib:
"Moldova klubları hər zaman Azərbaycan təmsilçilərinə problem yaradıblar. İndi buna son qoymaq lazımdı. Azərbaycanı layiqincə təmsil etmək üçün bir neçə mərhələ keçmək lazımdı. İlk olaraq gərək səfərdə qələbə qazanaq. Doğma meydanda "Tiraspol" hər zaman güclü olub. Mən çıxış etməsəm də, futbolçulara inam böyükdü. Zədəyə görə Asvtriyada hazırlıqda komandayla birgə olmadım. İndi fərdi məşqlərlə kifayətlənirəm. Komandada iki təcrübəli qapıçı var. Baş məşqçi kimə etibar etsə, deməli o daha yaxşı hazırdı. Əsas nəticədi, Bakıya qələbəylə qayıtmaq lazımdı. Yoxsa cavab görüşündə özümüzü çətinə salacağıq".
