Mureşan: Azərbaycandan gələn təklif sərfəli deyildi

Rumıniyalı müdafiəçi Andrey Mureşan bəyan edib ki, o, karyerasını Azərbaycanda davam etdirmək şansı olmasına rəğmən, aldığı təklifdən imtina edib. Azerisport.az saytına açıqlamasında futbolçu bunları söyləyib:

"Azərbaycandan təklif var idi. Amma mən "Şerif"də oynamağa qərar verdim. Ona görə də ora gəlmədim. Hansı klubdan təklif aldığımı deməyəcəm. Amma o qədər də sərfəli təklif deyildi. Düşündüm ki, Azərbaycanda onsuz da "Xəzər Lənkəran"da oynamışam, özümü Moldovada sınamaq istəyim daha çox idi. Burada özümü başqası hesab etmirəm. Bilirəm ki, sabah "Tiraspol" Bakı "İnter"i ilə qarşılaşacaq. Bu komandaya qarşı oynamışam, güclüdülər. Kim daha çox layiqdisə, onun qələbə qazanmasını istəyirəm".