Asif Məmmədov: Vaqif Cavadovun gedişi mənim üçün təəccüblü oldu

"İnter"in futbolçusu Asif Məmmədov Vaqif Cavadovun komandadan gedişi barədə danışıb. Azerisport.az saytına açıqlamasında o, "İnter"in kapitanının klubdan ayrılacağını gözləmədiyini söyləyib:

"Futbolçu var ki, mühiti dəyişəndə daha yaxşı oyun sərgiləyir. Vaqif Cavadovun oyunu "İnter"də alınırdı. Həm də qol vururdu. Ona kapitanlıq sarğısı tapşırılmışdı. Kapitanın tərk etməsi bir qədər təəccüblü olur. Düşünürdüm ki, Cavadov qalacaq. Çünki, əvvəlki oyunuyla müqayisədə bizdə hər şey yaxşı idi. Mütəmadi oynayırdı və fərqlənirdi. Ona gələcək karyerasında uğur arzulayıram. Əvəzolunmaz futbolçu yoxdu. Sabah mən də getsəm, bununla komandada yerim boş qalmayacaq. Fikrimcə, forvardlarımız Cavadovu unutdura biləcək".