"Lansdakı vəziyyətin bizə aidiyyatı yoxdu"
Azərbaycanlı iş adamı Hafiz Məmmədovun satın aldığı İngiltərənin “Şeffild Uensdey” klubunun prezidenti Milan Mandariç maraqlı açıqlama verib. Azerisport.az xəbər verir ki, “The Star”a danışan Mandariç Məmmədovun digər klubu “Lans”dakı (Fransa) problemlərlə bağlı fikirlərini bölüşüb.
O, Fransa təmsilçisindəki maliyyə problemlərinin onun klubuna təsirinin olmadığını deyib: “Mən bunu vecimə almıram. Bu məsələnin “Şeffild Uensdey” və Məmmədovla əlaqələrimizə dəxli yoxdu. Məsələ bu qədər sadədi. Başqa klublardakı vəziyyətlə bağlı danışmaq istəmirəm. Çünki bu məlumatların mənə aidiyyatı yoxdu. Mən sadəcə olaraq, hər bir kəsə gələcəkdə yaxşı münasibətlər arzulayıram. Mənim maraqlandığım budu. Əminəm ki, yaxın bir həftə ərzində klubumuzla bağlı məsələnin də rəsmiləşməsi öz həllini tapacaq”.
