Koperin qapıçısı: Qoy Neftçi bizi gözləsin
Avropa Liqasının birinci təsnifat mərhələsində Monteneqronun "Çelik" komandasıyla qarşılaşacaq Sloveniyanın "Koper" klubunun qapıçısı Vladan Gilyen növbəti mərhələdə Azərbaycan Kubokunun qalibi "Neftçi"yə rəqib olmaq şanslarını dəyərləndirib. Azerisport.az saytına açıqlamasında o, bunları söyləyib:
"Çelik"lə oyuna hazırlaşırıq. Bu, bizim üçün ən vacib oyundu. Favoritin hansı komanda olduğunu bilmirəm. Amma əminəm ki, biz ilk mərhələni uğurla başa vuracağıq. Komandama ümidliyəm. "Neftçi"nin rəqibi "Koper" olacaq, odu ki, sizin uşaqlar məhz bizi gözləsinlər. Mənim Azərbaycanda oynamış dostlarım var. Məlumat almaq lazım gəlsə, bizə kömək edərlər. Məsələn, biri elə Bates. O, sizin komandalardan birində oynayıb ("Bakı"nı nəzərdə tutur - red.). Biz onunla Belqradın OFK klubunda birgə çıxış etmişik".
