"Qarabağ ən azı kağız üzərində bizdən güclüdü"

Maltanın "Valletta" klubunun baş məşqçisi Gilbert Acius Çempionlar Liqasının ikinci təsnifat mərhələsində qarşılaşacaqları Azərbaycan çempionu "Qarabağ"la bağlı fikirlərini açıqlayıb. Azerisport.az xəbər verir ki, o, yerli mətbuata açıqlamasında öncə bunları söyləyib:

"Püşkatmanın nəticəsi bizim üçün heç də sıradan sayılmamalıdı. Artıq "Qarabağ" haqda Azərbaycan futbolundan çox yaxşı xəbəri olan birindən müəyyən məlumatlar əldə etmişəm. "Qarabağ" güclü komandadı. Onların hədəfi Avropa Liqasının qrup mərhələsinə vəsiqə qazanmaqdı. Ötən mövsüm onlar buna çox yaxın olublar. Sadəcə, pley-off mərhələsində uduzublar".

Acius Ağdam klubunun legionerlərini xüsusi vurğulayıb: "Rəqibimizin heyətində çox yaxşı braziliyalı və alban futbolçular var".

Gənc mütəxəssis bəyan edib ki, bəlli hədəfləri olmasına rəğmən, obyektiv olmaları da vacibdi: "Hədəfimiz bu mərhələni qalib kimi başa vurmaq lazımdı. Amma realist olmaq lazımdı. Bizi kağız üzərində özümüzdən daha güclü olan bir rəqiblə duel gözləyir. İlk oyun bizim üçün çox vacibdi. Çünki həmin qarşılaşmanı evdə keçirəcəyik".