Dalibor Şimiç: Şiroki Briyeq Qəbələ ilə oyunda favorit deyil
"Qəbələ"nin Avropa Liqasının ilk təsnifat mərhələsindəki rəqibi olan Bosniyanın "Şiroki Briyeq" klubunun idman direktoru Dalibor Şiliçin azerisport.az saytına müsahibəsi
- Püşkatma barədə nə deyə bilərsiz?
- Razı və ya narazı olduğumu deyə bilmərəm. Potensial rəqiblərimizi öncədən də tanıyırdıq. Bizə "Qəbələ" düşdü. Amma etiraf edim ki, bu komanda barədə çox məlumatım var.
- Artıq gələn həftə ilk oyun baş tutacaq. Necə məlumat toplamağı düşünürsüz?
- Bu, problemdi. Sadəcə, onu bilirəm ki, yeni baş məşqçisi Dorinel Muntyanudu.
- "Şiroki Briyeq" daim avrokuboklarda oynasa da, "Qəbələ" ilk dəfə Avropa Liqasında çıxış edəcək...
- Təcrübə həmişə lazımdı. Bundan yararlanmağa çalışacağıq. Amma "Qəbələ"ni dəyərləndirməmək olmaz.
- Özünüzü favorit görürsüz?
- Mən elə deməzdim. Şanslar əllinin əlliyədi.
- İlk oyun Qəbələdə keçiriləcək...
- Bu, bizim üçün yaxşıdı. Keçmiş futbolçu kimi bilirəm ki, ilk oyunu səfərdə keçirmək həmişə yaxşıdı. Həmişə arzulamışam ki, həlledici oyunlar doğma meydanda olsun. Bu baxımdan razıyam.
- "Şiroki Briyeq" bir dəfə "Neftçi" ilə qarşılaşıb və ümumi hesabda uduzub (2:1, 0:1). 2005-ci ildəki həmin oyunları xatırlayırsız?
- Əlbəttə, çoxdan olsa da, yadımdadı. "Neftçi" güclü komandadı. O vaxtlar Azərbaycan futbolu güclü idi. İndi işlər necədi, bilmirəm. Bizə Bakıda oynamaq çətin idi. İlk növbədə istiyə görə. Matç zamanı su içməyi elə istəyirdim ki... Bundan əlavə Azərbaycana səfər də çox vaxt aparır.
- Qəbələyə necə gələcəksiz?
- Problem olacaq. Qəbələdə aeroport var. Amma hələ bu şəhərə necə gedəcəyimizi dəqiqləşdirməmişik. Əgər ora Bakıdan gedəsi olsaq, avtobusla da xeyli yol qət etməliyik.
