Eldin Adiloviç: Azərbaycanın iki aparıcı klubundan təklif almışam

Bosniyalı hücumçu Eldin Adiloviç karyerasını Azərbaycanda davam etdirə bilər. Azerisport.az saytına açıqlamasında o, bəyan edib ki, iki Azərbaycan klubunun maraq dairəsindədi:

"Samsunspor" mənim karyeramda tramplin olsa da, artıq bu komandada çıxış etmək istəmirəm. Özümə yeni klub axtarıram. Azərbaycanın iki aparıcı klubundan dəvət almışam. Əgər maliyyə məsələsində razılığa gələ bilsək, onlardan birinə keçəcəm. Özüm də Azərbaycan çempionatına qayıtmaq istəyirəm".

Xatırladaq ki, Edin vaxtilə "Muğan"da çıxış edib. Son mövsümdə o, "Samsunspor"da 28 oyuna 16 qol vurub.