Liqalarla bağlı görüşlər keçirilir

AFFA-nın təşkil etdiyi U-11, U-12, U-13, U-14 liqalarının 2014/15-ci il mövsümünə hazırlıq məqsədi ilə oyunların keçiriləcəyi regionlarda assosiasiyanın Uşaq və Gənclər üzrə Yarışların Təşkili Şöbəsinin əməkdaşları görüşlər keçirir. Azerisport.az xəbər verir ki, görüşlər zamanı liqaların yeni mövsümü ilə bağlı məlumat verilir, iştirakçı komandaların müəyyən olunması, eləcə də yeni komandaların yarışa cəlb edilməsi istiqamətində təkliflər səsləndirlir.

Artıq Sumqayıt, Quba, Ağsu, Qəbələ və Mingəçevir şəhərlərində görüşlər təşkil olunub. Növbəti tədbirlər bu gün Samux və Şəmkir, iyunun 21-də İmişli və Lənkəran, iyunun 22-də isə Cəlilabad rayonlarında keçiriləcək. (AFFA)