Ruslan Abışov: Rubin rəhbərliyi sağ olsun ki...

Rusiyanın "Rubin" klubunun və Azərbaycan yığmasının futbolçusu Ruslan Abışov karyerasını "Qəbələ"də davam etdirəcək. Azərisport.az xəbər verir ki, millinin futbolçusu "Qəbələ" ilə danışıqları yekunlaşdırmaq üzrədi.

Sadəcə, Kazan təmsilçisindən yekun razılığın alınması transferın rəsmiləşməsini uzadır. Abışov icarə əsasında 6 ay və ya 1 il Qəbələdə çıxış edəcək.

Abışov özü isə sözügedən məsələ ilə bağlı saytııza bunları açıqlayıb: "Mən hazırda "Qəbələ" ilə məşq edirəm ki, formada qalım. "Rubin" rəhbərliyi sağ olsun ki, "Qəbələ"nin təlim-məşq toplanışına yollanmağıma, burada məşq etməyimə icazə verdilər. Mənə məşq etmək lazımdı. Çünki "Rubin" hələ hazırlığa başlamayıb. Hazırda danışıqlar davam edir və mümkündü ki, elə "Qəbələ"də qalım. Amma "Rubin"ə qayıtmağım da istisna deyil. Hər şey Kazan klubunun qərarından asılı olacaq. "Rubin"in futbolçusuyam, klub rəhbərliyi məni istədiyi komandaya göndərə bilər".

Qeyd edək ki, Abışovun xidmətində həm də "Xəzər Lənkəran" və Moskva "Torpedo"su maraqlı idi.