Rumıniya çempionatının bombardiri Qəbələyə keçə bilər

Rumıniya çempionatının son mövsümünün ən yaxşı bombardiri Liviu Antal karyerasını Azərbaycanda davam etdirə bilər. Azerisport.az xəbər verir ki, bu barədə Rumıniya mətbuatı məlumat yayıb.

Məlumatda bildirilir ki, "Vasluy"un şərəfini qoruyan hücumameylli yarımmüdafiəçinin klubla müqaviləsinin müddəti başa çatıb. Bu üzdən Antal digər klublar kimi, "Qəbələ"nin baş məşqçisi Dorinel Muntyanunun da maraq dairəsinə düşüb. Onun yaxın günlərdə Azərbaycan təmsilçisinin Sloveniyadakı toplanışına qatılması gözlənilir.

Qeyd edək ki, Antal ötən mövsüm Rumıniyanın 1-ci liqasında vurduğu 15 qolla bombardir olub.