Simurq AZAL-dan futbolçu transfer etdi

"Simurq" növbəti mövsüm üçün heyətini gücləndirməyə davam edir. Azerisport.az xəbər verir ki, Zaqatala klubu komandanın sabiq üzvlərindən birini geri qaytarmağa hazırlaşır.

Söhbət Aleksandr Şemonayevdən gedir. Son mövsümü AZAL-da keçirən bu müdafiəçi paytaxt təmsilçisi ilə müqavilə yeniləmədi. Bundan yararlanan "Simurq" da onu geri qaytarmağa qərar verib. Artıq tərəflər bütün məsələlərdə razılığa gəliblər. Yaxın günlərdə Şemonayev "Simurq"la 1 illik müqaviləyə imza atacaq.

Qeyd edək ki, Şemonayev vaxtilə "Simurq"dan AZAL-a getmişdi. O, Zaqatala klubunda hətta kapitan da olub.