Neftçi Gürcüsan klubuna məğlub oldu
Azərbaycanı Avropa Liqasında təmsil edəcək "Neftçi" bu gün Türkiyədəki təlim-məşq toplanışı çərçivəsində ilk sınaq matçına çıxıb. Azerisport.az xəbər verir ki, "ağ-qaralar"ın Boludakı ilk rəqibi Gürcüstanın "Çixura" klubu olub.
Qeyd edək ki, "Çixura" son mövsümdə Gürcüstan Kubokunun finalçısı olmaqla yanaşı, çempionatda dördüncü yeri tutub.
"Neftçi" bu oyuna aşağıdakı start heyətlə çıxıb: 30. Saşa Stamenkoviç, 95. Elvin Bədəlov, 3. Denis Silva, 28. Emin Mehtiyev, 27. Məqsəd İsayev, 5. Kaue Sessilyo, 19. Mirhüseyn Seyidov, 17. Nicat Qurbanov, 21. Samir Məsimov, 25. Cavid İmamverdiyev, 23. Ruslan Qurbanov.
Qarşılaşmaya gəlincə, oyunda hesabı gürcülər açıb. "Neftçi" ilk yarının sonunadək hesabda önə keçsə də, matçın sonlarında daha iki top vuran "Çixura" Azərbaycan klubuna qalib gəlib.
Yoxlama oyunu
17 iyun
Neftçi - Çixura - 2:3 (2:1)
Qollar: Odikadze, 11-pen. (0:1), S.Məsimov, 19 (1:1), D.Silva, 34 (2:1), Odikadze, 83 (2:2), Mumladze, 90+2 (2:3).
