14 iyun 2014 01:33
İnter Avstriya və Macarıstan klubları ilə üz-üzə gələcək
Məlum olduğu kimi, hazırda “İnter” Avstriyanın Lutzmannsburq qəsəbəsində təlim-məşq toplanışı keçirir. Azerisport.az xəbər verir ki, "İnter" toplanış çərçivəsində 5 yoxlama görüş keçirəcək.
Komanda ilk matçı iyunun 16-da keçirəcək. Növbəti görüşlər isə iyunun 19, 23, 25 və 27-də baş tutacaq.
Qeyd edək ki, artıq "İnter"in iki rəqibi bilindi. Belə ki, komandamız ayın 19-da yerli "Şturm" klubuyla üz-üzə gələcək, ayın 23-də isə Kaxaber Tsxadadzenin yetirmələri Macarıstanın "Sombathey Haladaş" komandası ilə qarşılaşacaq.
Əlavə edək ki, digər rəqiblərin adları yaxın zamanda müəyyənləşəcək.
(Klub saytı)
