14 iyun 2014 01:22
İnter Avstriyadadır və məşqlərə hazırlaşır
Məlum olduğu kimi, Avropa Liqasına hazırlıq çərçivəsində “İnter” dünən ikinci təlim-məşq toplanışına yollanıb. Azerisport.az xəbər verir ki, "İnter" yerli vaxtla saat 13.00-da artıq Avstriyaya gəlib.
Komanda bir neçə saat əvvəl məskunlaşacağı "Thermenhotel Kurz Lutzmannsburg" otelinə çatıb.
Qeyd edək ki, "İnter" bu gün Avstriyadakı ilk məşqinə çıxacaq. İkinci təlim-məşq toplanışı ayın 27-nə kimi davam edəcək. Ancaq Avropa Liqasının püşkatması zamanı “İnter” ilk matçını səfərdə keçirməli olsa, o zaman bu, toplanışın vaxtına da təsir edə bilər. Belə olan halda komanda Avstriyadan həmin ölkəyə yola düşəcək.
Xatırladaq ki, "İnter" Avstriyadakı toplanış çərçivəsində 5 yoxlama oyun keçirməyi planlaşdırıb.
(Klub saytı)
