Samir Abasov karyerasını başa vurdu: Məşqçiliyə başlayıram
Futbol üzrə Azərbaycan yığmasının sabiq futbolçusu Samir Abasov karyerasını başa vurub. Son mövsümü "Sumqayıt"da keçirmiş təcrübəli futbolçu azerisport.az saytına müsahibəsində bununla bağlı aşağıdakıları dilə gətirib:
"Futbolçu karyeramı başa vurdum, ancaq yenə futbolda qalmaq istəyirəm. İyulda məşqçilik kursu var, o kurslara qatılacağam. Yığma komandada oynadığıma görə, C yox, birbaşa B kateqoriyasına yazılacam. Təəssüf ki, karyerasını başa vuran futbolçular üçün Azərbaycanda məşqçilikdən başqa bir iş yoxdu. Bizim futbol ayrı planetdi. Məsələn, bizdə xaricdəki kimi sabiq futbolçular klub rəsmisi ola bilmirlər. Halbuki, veteran futbolçular belə vəzifələrdə çalışanda futbola daha çox xeyirləri dəyir, nəinki kənar adamların. Etiraf edim ki, bizdə elə futbolçular da azdı".
