İnterdən afrikalılara altı cavabsız qol

Məlum olduğu kimi, "İnter" hazırda Türkiyənin İzmit şəhərinin yaxınlığındakı Kartepe qəsəbəsində təlim-məşq toplanışındadı. Azerisport.az xəbər verir ki, ötən gün “bankirlər” qardaş ölkədə nəzərdə tutduğu yeganə yoxlama görüşünü keçirib.

Bu oyunda komandamızın rəqibi afrikalılardan ibarət “Afrikan Çellenc” U-21 komandası olub. Matç Azərbaycan təmsilçisinin 6:0 hesablı qələbəsi ilə başa çatıb. "İnter"in heyətində İlkin Sadiqov, Mirzağa Hüseynpur, Yoan Bokonyano, Dieqo Madriqal və Mikel Alvaro (2) fərqləniblər.

Qeyd edək ki, bu gün "İnter"in Türkiyədəki toplanışı başa çatacaq və komanda Azərbaycana qayıdacaq.