9 iyun 2014 12:48
Tacik yarımmüdafiəçi Rəvanı FIFA ilə hədələyir
“Rəvan”ın sabiq yarımmüdafiəçisi Soxib Savankulov klubun ona transfer vərəqəsini göndərməyəcəyi təqdirdə FIFA-ya müraciət edəcəyini bildirib. Savankulov azerisport.az saytına müsahibəsində bunları söyləyib:
“Mən “Rəvan”dan zədəli olarkən getmişəm. Ancaq tezliklə sağaldım. Mənə Tacikistan və Rusiyadan təkliflər gəlməyə başladı. Ancaq “Rəvan” keçidimə maneə yaratdı. Transfer vərəqəsini göndərmədilər. Yüzlərlə dəfə bunu onlardan xahiş etmişəm. Nə pul ödəmək istəmirdilər, nə də sənədləri göndərmək. Başa düşmürəm, indi onlar məndən nə tələb edirlər. Əgər bu işlərin vəziyyəti dəyişməsə, mən FIFA-ya müraciət edəcəyəm”.
