6 iyun 2014 13:00
Aleksandr Səmədov: Azərbaycan yığmasında oynamaqdan imtina etdiyim üçün heç vaxt peşman olmamışam
Rusiya yığmasının yarımmüdafiəçisi Aleksandr Səmədov DÇ-yə qarşıdakı səfər haqda danışarkən, bildirib ki, komandası DÇ-2014-ün təsnifat mərhələsi çərçivəsində Bakıda millimizə qarşı oynayarkən həyəcan keçirib. Azerisport.az xəbər verir ki, Səmədov bunları söyləyib:
“Braziliyaya uçub gələndə hər hansı həyəcan artıq orada özünü göstərəcək. Hələ böyük məsuliyyət var. Belə bir yarışda öz ölkəsinin təmsil etmək hər bir futbolçunun arzusudur. Mənim dizlərim isə çoxdan əsmir. Ancaq etiraf edim ki, biz Bakıda oynayanda həyəcan keçirirdim. Can atdığımız DÇ-yə çıxmaq üçün həlledici oyun, ajiotaj. Bəlkə də Azərbaycanda oynamağımız da azacıq təsir edirdi”.
Azərbaycan yığmasında oynamaqdan imtina etdiyinə görə, bir dəfə də olsun peşmançılıq çəkməsi haqda suala isə Səmədov qısa cavab verib: “Heç vaxt”.
(Futbol)
