Yığmamızın baş məşqçisi: Uşaqlardan razı qaldım

Futbol üzrə Azərbaycanın U-17 yığmasının baş məşqçisi Mirbağır İsayev Bakıda təşkil olunmuş "Caspian Cup" beynəlxalq turniri ilə bağlı fikirlərini açıqlayıb. Azerisport.az xəbər verir ki, o, bunları söyləyib:

“Turnir dördüncü ildi keçirilir. Bu işdə əməyi olanlara təşəkkür edirik, ölkəmizdə bu cür beynəlxalq turnir təşkil edirlər. Komandalar layiq olduqları yerləri tutdular.

Komandamın çıxışına gəldikdə, uşaqlardan razı qaldım. İştirakçı komandaların səviyyəsi də yüksək idi. Onlar arasında İranı xüsusilə fərqləndirmək istəyirəm. Bolqarıstan, Türkiyə də yaxşı oyun nümayiş etdirdi və güclülərdən idilər. Onlarla rəqabət ancaq futbolumuzun xeyrinə olacaq”.