«Mançester Yunayted Yay Futbol Məktəbi» Gündəliyi: 2-ci Gün

Normal futbol üçün nə lazımdır? Bu sualda Çernışevskidən əsər əlamət də yoxdur . Bu sualın bəlkə də ölkədəki futbol azarkeşlərinin sayı qədər cavabı var. Çox da dərin olmayan sualın dərinliyinə getməyəcəm. Bilirsiniz, bu sual niyə dərin deyil? Çünki, onun cavabı açıq aşkardır.

Bu gün də bu sualın cavabını “Mançester Yunayted Yay Futbol Məktəbi”ndə açıq şəkildə araşdırdım. Dünənki gündən, yəni gənc istedadların fiziki və taktiki hazırlıqlarını izlədiyim gündən fərqli olaraq, bu gün auditoriyada Bakcell və AFFA menecerləri ilə birlikdə təşkil olunmuş dərsi izləməklə keçdi. Təlimin bir hissəsi məhz bu auditoriyada baş tutdu. Bu dəfə təlimin hədəfi beyin idi. Mançesterdən gəlmiş məşqçilər uşaqlara qələm və dəftər payladılar.

Birinci sual: hansı keyfiyyətlər yaxşı futbolçunu böyük futbolçuya çevirir? Məşqçi bir neçə dəfə əl hərəkətləri və tərcüməçi vasitəsilə uşaqlardan cavabları dəftərdə qeyd etməyi xahiş etdi. Bu zaman sinifdə xaos yarandı. Uşaqlar əllərini qaldırır, ayağa durur, bir-birlərinə danışmaq imkanı vermirdilər. Onlardan yalnız bəziləri – bundan əvvəlki “Mançester Yunayted Yay Futbol Məktəbi”ndə iştirak etmiş olanlar – sakit əyləşib dəftərdə öz qeydlərini aparırdılar.

Və bu zaman mən indi başqa cür ifadə edəcəyim köhnə sualıma cavab tapıram.

Hansı keyfiyyətlər “normal” təhsili “yaxşı” təhsil edir?

Məncə burada heç bir şey oxunan kitabların sayından və ya hansısa teoremlərdən asılı deyil. Bəlkə tərbiyənin rolu daha əhəmiyyətlidir? Mən auditoriyadayam və mənim gəncləri müqayisə etmək imkanım var. 

Guya biz hansısa bir oyunçunun hər hansı bir oyunda özünü göstərməsindən sonra avtomobilinin təkərlərini qaldırmasının və ya aldığı pulun qaldırılmasının şahid olmamışıq? Və onların indi harada olduğunu kimsə bilir?

 

 

İndi isə qoyulan suala uşaqların cavabları:

1. Ciddilik

2. Özünə inam

3. Cəsarət

4. Peşəkarlıq

5. Rəqibə hörmət

Mən yay məktəbinə tez-tez baş çəkəcəm. Çünki bu təlimlər zamanı Azərbaycan futbolunun problemlərini daha aydın anlayıram. Və ümid edirəm ki, biz də futbolumuzda gələcək dövrlərdə ulduzlar görə biləcəyik. 

Normal futbol üçün bizə nə lazımdır?

Çox təəssüf ki, bu təlimlərdə futbol klublarımızdan heç bir nümayəndə iştirak etmir. Hələ öyrənəcəyimiz çox şey var...

Emin Əfəndi.