1 iyun 2014 11:48
Con Maher: Liverpul akademiyası turnirlərdə qələbə naminə işləmir
“Liverpul”un baş məşqçisi Desmond Con Maher komandasının 15 yaşa qədər komandalar arasında keçirilən III “Qəbələ Kubokunda” çıxışını və 6-cı yer tutmasını qiymətləndirib. Azerisport.az xəbər verir ki, Maher bunları söyləyib:
“Əla təşkil edilmiş turnirdən zövq aldıq. Səyyar mətbəx və meydanlar Qəbələdə yüksək səviyyədədir. Komandamın çıxışından razıyam. Hesab edirəm ki, taktiki və texniki cəhətdən bütün iştirakçılardan üstün idik. “Liverpul” akademiyası turnirlərdə qələbə naminə işləmir, əsas komanda üçün futbolçular yetişdirir. Bizə turnirlərdə qələbə gərək deyil. Ancaq bizi dəvət etsələr, yenidən bura gələrik. “Qəbələ” futbolçularına gəlincə, 40 dəqiqə ərzində onların bacarığını görmək çətindir. Oyunun videoyazısına sonra baxacağam və ola bilər ki, istedadlı futbolçular görəcəyəm”.
