Qəbələ bir, Neftçi hər iki oyunda uduzdu
Bu gün Qəbələdə 15 yaşa qədər futbolçulardan ibarət komandalar arasında sayca 3-cü "Qəbələ Kuboku" turnirinə start verilib. Azerisport.az xəbər verir ki, turnirdə 8 komanda iştirak edir.
A qrupunda turnirin təşkilatçısı "Qəbələ" ilə yanaşı Türkiyənin "Fənərbağça", İtaliyanın "Udineze" və İngiltərənin "Liverpul" klubları mübarizə aparır. B qrupunda isə Azərbaycanın digər təmsilçisi "Neftçi"ni Avstriya "Rapid"i, Belçika "Anderlext"i və Rusiya "Lokomotiv"i ilə qarşılaşır.
İlk oyun günündə "Qəbələ" öncə "Udineze" ilə qarşılaşıb və minimal hesablı qələbəyə sevinib. Axşam saatlarında isə komandamız "Fənərbağça"ya böyük hesabla uduzub.
"Neftçi" isə əvvəl "Lokomotivlə üz-üzə gəlib və məğlubiyyətlə üzləşib. "Ağ-qaralar" günün növbəti matçında "Rapid"ə də məğlub olub.
Qəbələ Kuboku
Qrup mərhələsi
29 may
1-ci tur
A qrupu
Fənərbağça - Liverpul - 1:0
Qol: Səfa Berkay Kara.
Qəbələ - Udineze - 1:0
Qol: Cavidan Qasımlı.
B qrupu
Rapid - Anderlext - 1:3
Qollar: Yulian Krenn – Hotmann Əl-Kababri, Yarno de Nayer, Mayk Trezor.
Neftçi - Lokomotiv - 0:2
Qollar: Boqdan Zorin, Sergey Pavlenko.
2-ci tur
A qrupu
Qəbələ - Fənərbağça - 0:3
Udineze - Liverpul - 1:0
B qrupu
Rapid - Neftçi - 2:1
Anderlext - Lokomotiv - 2:2
İki turdan sonra A qrupunda "Fənərbağça" 6 xalla birinci, "Udineze" və "Qəbələ" 3 xalla 2-3-cü, "Liverpul" 0 xalla sonuncudu. B qrupunda isə "Anderlext" və "Lokomotiv" 4 xalla qrupa liderlik edir. "Rapid"in 3 xalı varsa, "Neftçi" 0 xalla sonuncudu.
