29 may 2014 12:12
Toni Adams: Klub prezidentinə öz namizədlərimi təklif etdim, onların arasında britaniyalılar yoxdur
“Qəbələ” futbol klubunun sabiq baş məşqçisi, hazırda klubun prezidenti Tale Heydərovun məsləhətçisi olan Toni Adams azerisport.az saytına açıqlamasında Yuri Syominin gedişindən sonra, klub prezidentinə təqdim etdiyi siyahıda yer almış komandanın baş məşqçisi vəzifəsinə namizədlərin adını bildirməyib:
“Klub prezidentinə təqdim etdiyim siyahıda yer almış namizədlərin adını açıqlamaq istəmirəm. Bu, hələ sirdir. Ancaq sizi inandıra bilərəm ki, onların arasında britaniyalılar yoxdur. Klubun vitse-prezidenti Fariz Nəcəfovun da təklifləri var. Yuri Syomini də təyin edəndə, eyni ilə belə olmuşdu. Yaxın günlərdə “Qəbələ”ni kimin çalışdıracağı məlum olacaq”.
