29 may 2014 18:00
Qarabağın qol ümidi haqda 6 amil
Ölkə çempionu “Qarabağ” “Maritimu”nun hazırda Bakıda olan və tibbi müayinədən keçmiş braziliyalı hücumçu Danilu Diaşla ikiillik müqavilə bağlamağa hazırdır. Azerisport.az “Qarabağ”ın hücum ümidinin karyerasına nəzər salaraq, 6 amili diqqətinizə çatdırır:
1. 2007-ci ildə Diaş üç kluba icarəyə verilib. “Qama”da işə başlayan hücumçu, sonra “Atletiko Qoyanense”yə keçib. Təqvim ilini isə “Qoyana”da bitirib. Buna qədər isə hücumçu “Qoyas”a məxsus olub.
2. Transfermarkt.de saytına istinadən, Diaşın transfer qiyməti 2 milyon 500 min avrodur. Futbolçunun ən bahalı transfer qiyməti 3 milyon avro olub.
3. Diaş Portuqaliya çempionatında ötən ilin sentyabr ayının 15-də “Maritimu”nun heyətində “Setubal”a qarşı oyunda (2:4) meydana çıxdıqdan yeddi dəqiqə sonra özünün son, komandasının üçüncü qolunu vurub.
4. Futbolçu Portuqaliya Kubokunda komandasının “Portu”ya 2:3 hesabı ilə məğlub olduğu oyunda məhsuldar ötürmə ilə yadda qalıb.
5. Diaş üçün ən məhsuldar mövsüm 2011/12-ci illər mövsümüdür. Futbolçu “Maritimu”nun heyətində çempionatın 30 oyununda 8 qol vurub.
6. Diaş sürəti və zərbəsinin gücü ilə diqqət çəkir. Ancaq buna rəğmən, Portuqaliyada belə hesab edirlər ki, Diaşın qol duyumu çatışmır.
