Yuri Syomin köməkçiləri ilə birgə rəsmən Mordoviyada

“Qəbələ”nin sabiq baş məşqçisi Yuri Syominin yeni komandası müəyyənləşib. Azerisport.az xəbər verir ki, o, bundan sonra Rusiyanın “Mordoviya” (Saransk) komandasını çalışdıracaq.
 
Bu haqda mütəxəssisin özü məlumat verib. Artıq o, yeni klubu ilə rəsmi müqavilə də imzalayıb. Tərəflər bir illik anlaşmaya imza atıblar. Amma müqavilədə müddətin daha bir artırılması şərti də yer alıb.

Syomin Rusiya mətbuatına açıqlamasında onu da bəyan edib ki, "Mordoviya"da Andrey Syomin və Yuri Baturenko ilə birgə çalışacaq. Hansı ki, Syomin "Qəbələ"də də bu köməkçiləri ilə birgə işləyirdi.