ABŞ yığmamızı məğlub yola saldı
Bu gün futbol üzrə Azərbaycan yığması növbəti yoxlama matçına çıxıb. Azerisport.az xəbər verir ki, Berti Foqtsun çalışdırdığı millimiz gücünü Amerika Birləşmiş Ştatlarının yığmasına qarşı oyunda sınayıb.
Qeyd edək ki, bu oyuna daha yaxşı hazırlaşmaq üçün millimiz mayın 20-dən ABŞ-da təlim-məşq toplanışındaydı. DÇ-2014-ə hazırlaşan Yurgen Klinsmannın komandasına qarşı oyun səfərdə olsa da, yığmamızdan uğurlu nəticə gözləyənlər çox idi. Çünki rəqib futbolçular özlərini mundial ərəfəsində qorumağa çalışacaqdılar. Belədə, millimizin üzvləri daha istəkli oynasaydı, uğur qazana bilərdilər. Amma komandamızın üzvləri meydan sahiblərinin təzyiqlərinə 75 dəqiqə dözə biliblər. Bundan sonra iki cavabsız qol vuran "yankilər" yığmamızı məğlub yola salıblar.
ABŞ yığması hazırkı FİFA reytinqində 1015 xalla 14-cü yerdə gedir. Azərbaycan millisi isə 398 xalla 85-ci pillədə qərarlaşıb.
Yoldaşlıq oyunu
28 may
ABŞ - AZƏRBAYCAN - 2:0 (0:0)
Qollar: Miks Diskerud, 75 (1:0), A.Yohansson, 81 (2:0).
San-Fransisko. "Kendlstik Park" stadionu.
ABŞ: 1. Tim Hovard (k), 4. Maykl Bredli, 5. Mett Besler, 7. Da Markus Bizli (21. Tim Çandler, 46), 18. Kris Vondolovski (9. Aron Yohansson, 62), 11. Alexandro Bedoya (10. Miks Diskerud, 70), 13. Cermeyn Cons, 17. Jozi Altidor, 19. Qrem Zusi (14. Bred Devis, 46), 20. Jeff Kemeron (3. Omar Qonzales, 46), 23. Fabian Conson (2. DeAndre Yeolin, 62).
Ehtiyat oyunçular: 12. Bred Quzan, 22. Nik Rimando, 6. Con Bruks, 8. Klint Dempsi, 15. Kayl Bekerman, 16. Julian Qrin.
Baş məşqçi: Yurgen Klinsmann.
AZƏRBAYCAN: 1. Kamran Ağayev, 3. Rasim Ramaldanov, 4. Mahir Şükürov (k) (25. İlkin Qırtımov, 46), 7. Vaqif Cavadov (13. Dmitri Nazarov, 60), 8. Qara Qarayev, 10. Rüfət Dadaşov (28. Pərdis Fərcad-Azad, 66), 11. Rauf Əliyev, 15. Ruslan Abışov (2. Bədavi Hüseynov, 46), 20. Ufuk Budak, 24. Abdulla Abatsiyev (18. Maksim Medvedev, 70), 29. Elvin Yunuszadə.
Ehtiyat oyunçular: 12. Emil Balayev, 23. Səlahət Ağayev, 5. Şəhriyar Əliyev, 9. Cihan Özkara, 14. Rəşad Sadıqov.
Baş məşqçi: Berti Foqts.
