25 may 2014 12:12
Ernest Nfor: Penalti zərbələri zamanı tanrıya dua edirdim
“Neftçi”nin futbolçusu Ernest Nfor azerisport.az saytına müsahibəsində Azərbaycan Kubokunun qalibi olmalarından, eləcə də, mövsümün yekunlarından danışıb:
- Kubokun finalında 120 dəqiqəlik mübarizədə qalib müəyyənləşmədi. “Neftçi” məşqlərdə penalti seriyasını məşq etmişdi?
- Əlbəttə, biz bilirdik ki, penalti zərbələri lazım ola bilər. Çempionatın gedişində “Qəbələ”yə qarşı bir neçə dəfə oynamışıq. Yaxşı heyətə malikdir. Fiziki cəhətdən xoş təsir bağışlayır. Hücum xətti xüsusilə təhlükəlidir. Bu baxımdan biz istəyirdik, əsas vaxtda qalib olaq. Qol vuraq və matçın taleyini həll edək. Lakin bu mümkün olmadı. “Qəbələ” sona qədər layiqli mübarizə apardı.
- Penaltilər lotereya sayılır, bu mənada, “Neftçi”nin bəxtinin gətirdiyini demək olar?
- Belə komandanı məğlub etməyin bəxtlə əlaqəsi yoxdur. “Qəbələ” finala layiq komanda olduğunu göstərdi. Ona görə qələbəyə çox sevinirəm. “Qəbələ” kimi komandanı məğlub etmək asan başa gəlmədi.
- Finalda öz oyununu necə qiymətləndirirsən?
- Məşqçilər bu suala cavab versə, daha yaxşı olar. İki dəfə qol vurmaq şanslarım oldu, amma vəziyyəti dəyərləndirmədim. Fikrimcə, qol vurub matçın taleyini həll edə bilərdim. Onda heç penalti zərbələri olmayacaqdı. Bununla belə, əsas nəticədir. Matç zamanı qol vurmasam belə kuboku qazandığımıza görə xoşbəxtəm.
-Penalti zərbələri zamanı hansı hissləri keçirdin?
- Penalti zərbələri olum və ölüm deməkdir. Daxildə tanrıya dua edirdim. Dua edirdim ki, Azərbaycan Kubokunda qələbə qazanaq, azarkeşlərimizin qarşısında məyus olmayaq.
- Mövsümü “Neftçi” üçün necə qiymətləndirmək olar?
- Azərbaycan çempionatında çıxışımız uğurlu olmadı. Qızıl medal qazana bilmədik və bundan sonra bütün diqqətimiz kuboka yönəldi. Bu mənada, Azərbaycan Kubokunu qazanmağımız böyük nailiyyətdir. Mövsümü titulsuz başa vurmadıq, deməli, yaxşı demək olar.
- Avropa Liqasında “Neftçi”dən hansı nəticəni gözləmək olar?
- İndi ancaq istirahət barədə düşünürük. Ağır mövsümdən sonra dincəlmək çox vacibdir. Ona görə istirahətdən sonra hazırlığa başlayacağıq. Yəqin, heyət bir qədər güclənər. Məqsədimiz uğurlu çıxış etməkdir. “Neftçi” qrupa düşməklə tarix yazıb. Yenidən həmin uğuru təkrarlamaq üçün mübarizə aparmaq lazımdır.
- “Qarabağ”la Superkubok matçının keçirilməsi gündəmdədir. Bu oyun haqda nə düşünürsən?
- Biz hər zaman titul qazanmaq istəyirik. Kuboku özümüzdə saxladıq. Deməli, şansımız var ki, Superkubok da qazanaq. Bu matç mövsümün ən maraqlı oyunlarından olacaq.
- Kubokun finalında 120 dəqiqəlik mübarizədə qalib müəyyənləşmədi. “Neftçi” məşqlərdə penalti seriyasını məşq etmişdi?
- Əlbəttə, biz bilirdik ki, penalti zərbələri lazım ola bilər. Çempionatın gedişində “Qəbələ”yə qarşı bir neçə dəfə oynamışıq. Yaxşı heyətə malikdir. Fiziki cəhətdən xoş təsir bağışlayır. Hücum xətti xüsusilə təhlükəlidir. Bu baxımdan biz istəyirdik, əsas vaxtda qalib olaq. Qol vuraq və matçın taleyini həll edək. Lakin bu mümkün olmadı. “Qəbələ” sona qədər layiqli mübarizə apardı.
- Penaltilər lotereya sayılır, bu mənada, “Neftçi”nin bəxtinin gətirdiyini demək olar?
- Belə komandanı məğlub etməyin bəxtlə əlaqəsi yoxdur. “Qəbələ” finala layiq komanda olduğunu göstərdi. Ona görə qələbəyə çox sevinirəm. “Qəbələ” kimi komandanı məğlub etmək asan başa gəlmədi.
- Finalda öz oyununu necə qiymətləndirirsən?
- Məşqçilər bu suala cavab versə, daha yaxşı olar. İki dəfə qol vurmaq şanslarım oldu, amma vəziyyəti dəyərləndirmədim. Fikrimcə, qol vurub matçın taleyini həll edə bilərdim. Onda heç penalti zərbələri olmayacaqdı. Bununla belə, əsas nəticədir. Matç zamanı qol vurmasam belə kuboku qazandığımıza görə xoşbəxtəm.
-Penalti zərbələri zamanı hansı hissləri keçirdin?
- Penalti zərbələri olum və ölüm deməkdir. Daxildə tanrıya dua edirdim. Dua edirdim ki, Azərbaycan Kubokunda qələbə qazanaq, azarkeşlərimizin qarşısında məyus olmayaq.
- Mövsümü “Neftçi” üçün necə qiymətləndirmək olar?
- Azərbaycan çempionatında çıxışımız uğurlu olmadı. Qızıl medal qazana bilmədik və bundan sonra bütün diqqətimiz kuboka yönəldi. Bu mənada, Azərbaycan Kubokunu qazanmağımız böyük nailiyyətdir. Mövsümü titulsuz başa vurmadıq, deməli, yaxşı demək olar.
- Avropa Liqasında “Neftçi”dən hansı nəticəni gözləmək olar?
- İndi ancaq istirahət barədə düşünürük. Ağır mövsümdən sonra dincəlmək çox vacibdir. Ona görə istirahətdən sonra hazırlığa başlayacağıq. Yəqin, heyət bir qədər güclənər. Məqsədimiz uğurlu çıxış etməkdir. “Neftçi” qrupa düşməklə tarix yazıb. Yenidən həmin uğuru təkrarlamaq üçün mübarizə aparmaq lazımdır.
- “Qarabağ”la Superkubok matçının keçirilməsi gündəmdədir. Bu oyun haqda nə düşünürsən?
- Biz hər zaman titul qazanmaq istəyirik. Kuboku özümüzdə saxladıq. Deməli, şansımız var ki, Superkubok da qazanaq. Bu matç mövsümün ən maraqlı oyunlarından olacaq.
