23 may 2014 11:11
Yuri Syomin: Komanda olaraq da pis oynamadıq
“Qəbələ”nin baş məşqçisi Yuri Syomin komandasının ölkə Kubokunun finalında “Neftçi”yə məğlubiyyətini (1:1, pen. 2:3) oyundan sonra keçirdiyi mətbuat konfransında şərh edib:
“İlk olaraq qeyd edim ki, Azərbaycan kubokunun finalı yaxşı təşkil edilmişdi. Azarkeşlər tərəfindən yaxşı atmosfer yaradılmışdı. Komanda olaraq da pis oynamadıq. Hər iki komanda bu oyunda qələbə qazana bilərdi. Sadəcə penaltilər seriyasında uduzduq. “Qəbələ” ilk dəfədir ki, ölkə kubokunun finalına çıxır. Nizami Hacıyevin hərəkətinə əsəbiləşmişdim. Çünki o, meydanda vaxt apardı. Əslində o, daha yaxşı ötürmə edə bilərdi. Bəlkə də qol olacaqdı. Penaltiləri ən yaxşı hesab etdiyimiz oyunçulara həvalə etmişdik. Onlar vura bilmədi. Marat bugünkü oyunun ən yaxşısı idi, lakin penaltini vura bilmədi. Gələn dəfə penaltiləri oyunun ən zəiflərinə həvalə edəcəyik”.
(PFL)
