23 may 2014 17:00
Vəli Qasımov: Qəbələnin yerli məşqçilərə diqqət ayırması yaxşı olardı
Millimizin sabiq baş məşqçisi, futbol mütəxəssisi Vəli Qasımov azerisport.az saytına müsahibəsində “Qəbələ”nin artıq sabiq baş məşqçisi Yuri Syominin istefasına münasibət bildirib:
“Düşünürəm ki, istirahət, getməyə sadəcə, bir səbəbdir. Əgər “Qəbələ”də hər şeyə xitam verməyə qərar veribsə, onun Rusiyada nə isə bir işi var. Hesab edirəm ki, bu, “Qəbələ” üçün itkidir. Axı Syomin klub tarixində ən yaxşı nəticələrə imza atıb. “Qəbələ”yə yerli məşqçilərə diqqət ayırmağı məsləhət bilirəm. Qoy “Neftçi” və “Qarabağ”dan nümunə götürsünlər. Baxın, son illər o komandalar çempion olurlar ki, yerli məşqçiləri var. Azərbaycanlı məşqçilər öz peşəkar yararlığını sübut ediblər”.
