22 may 2014 15:11
Ruslan Əmircanov: Kubokun finalında yeni komandama azarkeşlik edəcəyəm
“İnter”in artıq sabiq futbolçusu Ruslan Əmircanov azerisport.az saytına müsahibəsində öz komandası haqda danışıb:
“Məni artıq “Qəbələ”nin futbolçusu adlandırmaq olar. Kubokun final oyunundan sonra müqavilə imzalayacağam. Müqaviləm bir ilə nəzərdə tutulub. Bir mövsüm oynayıb özümü göstərəcəyəm. Sonra ikiillik müqavilə də imzalamaq olar. Tez-tez klub dəyişməyi sevmirəm.
Finala gəlincə, yeni komandama azarkeşlik edəcəyəm. “Neftçi” mənə yad komanda deyil. Ancaq hər halda, yeni oyundaşlarımın uğurunu görmək istərdim. Axı “Qəbələ”nin buna qədər heç bir qəniməti olmayıb”.
