22 may 2014 15:00
Georgi Nikolov: Mən ya Cavadovun müqaviləsinə ya da getməsinə imza atacağam
“İnter”in prezidenti Georgi Nikolov azerisport.az saytına müsahibəsində klubun transfer siyasəti və Ruslan Əmircanovun komandadan gedişi haqda danışıb:
“Ruslan artıq bizim futbolçumuz deyil. O, komandanı tərk etmək istəyirdi və bunu etdi. Yəqin ki, yaxşı maliyyə təklifi vardı. “Qəbələ”nin maliyyə imkanları hamıya məlumdur. Cavadova gəlincə, bu sual açıq olaraq, qalır. Məşqçi həll etməli və futbolçu müəyyənləşməlidir. Mənə ya Cavadovun müqaviləsinə ya da getməsinə imza atmaq qalır. Bizdə əməkhaqqılar mütləq həddi var. Büdcəmiz qanun kimidir, pozula bilməz.
Biz yerli futbolçularsız qalmayacağıq. Ehtiyatda istedadlı gənclərimiz var. Həmçinin, digər klublarda çıxış edən yerli futbolçularla danışıqlar aparırıq. İlk toplanışa qədər kadr problemləri 100% həllini tapacaq. Həmçinin, fransız hücumçu ilə danışıqlar aparmışıq. Ancaq onun agentləri özünü düzgün aparmırlar. Onlardan ağlasığmaz təkliflər gəlirdi. Futbolçu isə özünü qeyri-peşəkar aparır. Əgər o, bizə keçməyə razılıq versəydi belə, mən onu götürməzdim”.
