Neftçi kubokun qalibidi!
Bu gün keçirilən Azərbaycan kubokunun final oyunu ilə 2013/14 mövsümünə yekun vurulub. Azerisport.az xəbər verir ki, həlledici görüşdə “Qəbələ” və “Neftçi” üz-üzə gəlib.
Bu klublar Azərbaycan kubokunda ilk dəfə görüşürdü. "Qəbələ" ilk dəfəydi kubokda finala yüksəlmişdi. "Neftçi" isə ölkə kuboklarının ən uğurlu komandasıydı. Paytaxt təmsilçisi indiyə qədər 8 dəfə kubokun finalında oynamaq şansı qazanmışdı. Bunların ikisində (2000/2001, 2011/2012 mövsümləri) flaqman son anda məğlubiyyətlə üzləşmişdi. 1994/1995, 1995/1996, 1998/1999, 2001/2002, 2003/2004, 2012/2013 mövsümlərində isə bu komanda kubokun baş mükafatına sahib çıxmışdı. Baxmayaraq ki, onlardan biri rəsmən tanınmır.
Bu finalda da gülən "Neftçi" oldu. Əsas və əlavə vaxtda qalibi müəyyənləşdirə bilməyən tərəflər sonda kubokun taleyinə penaltilərlə aydınlıq gətirdilər. Həlledici zərbələri daha dəqiq yerinə yetirən "ağ-qaralar" növbəti dəfə kuboku başları üzərində qaldırmış oldular. "Neftçi" bununla eyni zamanda Avropa Liqasında mübarizəyə birbaşa ikinci təsnifat mərhələsindən başlamaq şansı qazandı.
Azərbaycan Kuboku
Final
22 may
QƏBƏLƏ - NEFTÇİ - 1:1 (penaltilər - 2:3)
Qollar: S.Məsimov, 53 (0:1), M.İzmaylov, 72 (1:1).
Sarı vərəqələr: D.Erqaşev, 19, R.Santos, 32, E.Ramos, 55, E.Yunuszadə, 60, C.İmamverdiyev, 63, R.Məlikov, 70, R.Tağızadə, 98, K.Kardoso, 109.
Hakimlər: Əliyar Ağayev, Namiq Hüseynov, Zeynal Zeynalov, Rauf Cabbarov.
Əlavə köməkçi hakimlər: Ramil Əhmədov, Ömər Paşayev.
Bakı. Tofiq Bəhramov adına Respublika stadionu.
Penalti seriyası
Marat İzmaylov - 0:0 (qapıçı)
Erik Ramos - 0:1
Rafael Santos - 0:1 (kənara)
Flavinyo - 0:2
Rodriqes Assis - 1:2
Denis Silva - 1:2 (qapıçı)
Nizami Hacıyev - 2:2
Bruno Bertuççi - 2:3
İbrahima Niasse - 2:3 (qapıçı)
QƏBƏLƏ: 1. Kamran Ağayev (k), 2. Rail Məlikov, 7. Marat İzmaylov, 8. Nizami Hacıyev, 9. Viktor Mendi (19. Abdulvahid Afolabi, 108), 10. Dodo, 14. Lorenso Ebesilio (22. Rodriqes Assis, 118), 16. Ruslan Tağızadə, 18. İbrahima Niasse, 44. Rafel Santos, 46. Davronjon Erqaşev (31. Daniel Subotiç, 57).
Ehtiyat oyunçular: 30. Anar Nəzirov, 42. Leonardo da Silva, 45. Murad Musayev, 88. Müşfiq Teymurov.
NEFTÇİ: 30. Saşa Stamenkoviç, 2. Karlos Kardoso, 6. Rəşad Sadiqov (k) (23. Ruslan Qurbanov, 86), 9. Flavinyo, 10. Cavid İmamverdiyev (3. Denis Silva, 66), 15. Erik Ramos, 16. Bruno Bertuççi, 21. Samir Məsimov (8. Elşən Abdullayev, 96), 22. Məqsəd İsayev, 32. Elvin Yunuszadə, 90. Ernest Nfor.
Ehtiyat oyunçular: 1. Pavel Doroşev, 5. İqor Mitreski, 14. Bahodir Nasimov, 19. Mirhüseyn Seyidov.
