16 may 2014 15:45
Azərbaycan Rusiyaya böyük hesabla uduzdu
Bu gün 18 yaşadək qızlardan ibarət yığma komandalar arasında Bakıda təşkil olunmuş UEFA-nın inkişaf mini-turnirinə yekun vurulub. Azerisport.az xəbər verir ki, turnirin qapanış matçında Azərbaycan yığması Rusiya ilə üz-üzə gəlib.
Qeyd edək ki, yığmamız bu turnirin açılış matçında İsraillə qarşılaşmış və 0:1 hesabıyla uduzmuşdu. Rusiya isə ötən gün İsrailə 4:1 hesabıyla qalib gəlmişdi. Bu oyunda da yığmamız məğlubiyyətə üzülən tərəf olub. Nəticədə, Rusiya turnirin qalibi olduğu halda, millimiz sonuncu yerlə kifayətlənməli olub.
UEFA-nın inkişaf mini-turniri
16 may
Azərbaycan - Rusiya - 0:4
Bakı. Bayıl stadionu.
