16 may 2014 00:33
Böyükağa Hacıyev və Neftçinin əsas heyəti Zaqatalaya getməyəcək
"Neftçi" klubu Topaz Premyer Liqasının son turunda "Simurq"la səfər matçına ikinci heyətlə çıxacaq. Azerisport.az xəbər verir ki, ağ-qaraların əsas futbolçuları Zaqatalaya yollanmayacaqlar.
Saşa Stamenkoviç, Karlos Kardoso, Bruno Bertuççi, Erik Ramos, Rəşad Sadiqov, Flavinyo, Ernest Nfor Bakıda qalacaq və Azərbaycan Kubokunun finalına hazırlaşacaqlar. Baş məşqçi Böyükağa Hacıyev və köməkçisi Samir Əliyev də paytaxtda olacaq. "Neftçi"ni "Simurq"la görüşə Bəxtiyar Musayevlə Ruben Qonsales çıxaracaqlar.
