Bakı mövsümün son məşqini bir əskiklə başa vurdu

"Bakı" bu gün 2013/14 mövsümünün son məşqini keçirib. Azerisport.az xəbər verir ki, saat 11:10-da başlayan hazırlığa yüngül qaçış və isinmə hərəkətləriylə start verilib.

Qısa məsafələrə sürətli qaçış tapşırığından sonra dartınma hərəkətlərini də icra edən baş məşqçi Milinko Pantiçin yetirmələri bununla da hazırlığı başa vurub.

Qeyd edək ki, zədəsini müalicə etdirən Ruben Qonzales hazırlıqda iştirak etməyib. Sabah isə, "Bakı" mövsümün son oyununda, saat 17:00 da "Rəvan" klubu ilə qarşılaşacaq. Beləliklə komanda oyundan sonra 25 iyun tarixinə qədər istirahətə yollanacaq.