Rusiya millisi Bakıda İsrail yığmasına qalib gəldi

18 yaşadək qızlardan ibarət yığma komandaların iştirakı ilə Bakıda təşkil olunmuş UEFA-nın inkişaf mini-turnirində ikinci oyun keçirilib. Azerisport.az xəbər verir ki, Bayıl stadionunda Rusiya və İsrail komandaları qarşılaşıb.

Oyun 4:1 hesabı ilə rusiyalı futbolçuların xeyrinə başa çatıb.

Xatırladaq ki, dünən keçirilmiş turnirin ilk oyununda İsrail komandası 1:0 hesabı ilə Azərbaycan yığmasını məğlub etmişdi.

Turnirin son oyunu sabah saat 14:00-da, Bayıl stadionunda Azərbaycan və Rusiya komandaları arasında keçiriləcək.