14 may 2014 16:16
Branimir Subaşiç: Bu oyundan sonra bütün gecəni yatmamışam
Millimizin hücumçusu Branimir Subaşiç azerisport.az saytına açıqlamasında komandası “Orduspor”un Türkiyə I Divizionunun Superliqaya düşmək uğrunda pley-off oyunlarında məğlubiyyəti (0:1, 1:2) haqda fikirlərini bildirib:
“Qalib gəlməli idik. O qədər vəziyyət vardı. Özüm bir neçə dəfə qol vura bilərdim. Bizi uğursuzluq haqladı. Bu oyundan sonra bütün gecəni yatmamışam. Belə məğlubiyyətsən sora hesab edirəm ki, mövsüm baş tutmayıb. Buna rəğmən, deyirdilər ki, biz ümumiyyətlə birinci liqadan aşağı yuvarlanacağıq. Biz isə birbaşa Suprliqaya düşə bilərdik.
Mənim “Orduspor”dakı gələcəyimə gəlincə, müqaviləm 2015-ci ilin yayına qədər nəzərdə tutulub. Ancaq bu müddətin sonuna qədər qalacağım fakt deyil. Hələ qərar gəlməmişəm. Baxarıq. Klub hələ əməkhaqqılar üzrə borcları ödəməyib”.
