Aqil Məmmədov: Futbolda belə hallar olur

"Sumqayıt"ın baş məşqçisi Aqil Məmmədov Topaz Premyer Liqasının 35-ci turu çərçivəsində "Qarabağ"a qarşı keçirdikləri oyunu şərh edib. Azerisport.az xəbər verir ki, sumqayıtlıların çalışdırıcısı 1:0 hesabıyla bitən qarşılaşmadan sonra bunları söyləyib:

“Çempion olması münasibəti ilə “Qarabağ”ı təbrik edirəm. Ümid edirəm ki, Çempionlar Liqasında uğurlu çıxışı ilə bizi sevindirərlər. Oyun bizim üçün çox vacib idi. Futbolçular bütün tapşırıqları yerinə yetirə bilməsə də, yekunda qələbə qazana bildik. İlk hissədə daha yaxşı təsir bağışlasaq da, qələbə qolunu ikinci hissədə vura bildik. Futbolda belə hallar olur. Çalışacağıq ki, növbəti turda da azarkeşlərimizi sevindirək”.