12 may 2014 16:11
Qurban Qurbanov: Oyunun Lənkərandan Bakıya keçirilməsi həm Qarabağı, həm də XL-i qane edir
“Qarabağ”ın baş məşqçisi Qurban Qurbanov azerisport.az saytına açıqlamasında TPL-in 35-cı turu çərçivəsində komandasının “Xəzər Lənkəran”a qarşı keçirəcəyi oyunun keçirilmə yerinin Lənkərandan Bakıya keçirilməsini şərh edib:
“Hər iki klubun rəhbərliyi bu məsələni öz aralarında razılaşdırıb. Kuboku öz meydanımızda qəbul etmək imkanımız olacaq. Digər tərəfdən, “Xəzər Lənkəran” öz oyunçularının istirahətə Bakıdan yollanmasının daha asan olduğunu nəzərə alaraq, bu addımı atıb. Bu, bizim legionerlərə də aiddir. Oyunun paytaxtda keçiriləsi hər iki komanda üçün əlverişli olacaq”.
Xatırladaq ki, “Xəzər Lənkəran”la Qarabağ arasında baş tutacaq çempionatın yekun tur oyunu may ayının 17-nə nəzərdə tutulub.
