3 may 2014 11:33
Yurgen Klinsmann yetirmələrindən millimiz üzərində qələbə gözləyir
ABŞ yığmasının baş məşqçisi Yurgen Klinsmann Braziliyada baş tutacaq DÇ ərəfəsində komandasının keçirəcəyi yoldaşlıq oyunlarında yetirmələrindən qələbələr gözlədiyini bildirib. Azerisport.az xəbər verir ki, bu qəbildən olan ilk yoldaşlıq oyununda ABŞ yığması millimizlə qarşılaşacaq.
“Bizi üç oyun gözləyir: Azərbaycan, Türkiyə və Nigeriya yığmalarına qarşı. Biz bu oyunlarda qələbə qazanmalıyıq. Bu, bizə psixoloji nöqteyi-nəzərdən dünya çempionatına daha yaxşı hazırlaşmaq imkanı verəcək”, deyə Klinsmann qeyd edib.
“Bu yığmalar çox yaxşı rəqiblərdir. Onlarla oyunlar bizə oyunçularımızın hansı vəziyyətdə olmasını müəyyən etməyə imkan verəcək”, deyə təcrübəli mütəxəssis vurğulayıb.
Klinsmann toplanışa 30 futbolçunu cəlb edəcəyini açıqlayıb, ancaq adları bildirməyib. Bu heyətdən 23 futbolçu ABŞ yığmasının DÇ-yə yollanacaq heyətində yer alacaq.
Xatırladaq ki, Klinsmanın DÇ-də məsləhətçisi millimizin baş məşqçisi Berti Foqts olacaq.
