2 may 2014 20:40
Oğuz Çətin: Eyni ciddiyyəti və qələbə əzmini qarşıdakı oyunlarda da göstərəcəyik
“Xəzər Lənkəran”ın baş məşqçi köməkçisi Oğuz Çətin TPL-in 33-ci turu çərçivəsində komandasının öz meydanında “Rəvan”a qarşı keçirdiyi oyunu (4:0) şərh edib. Azerisport.az xəbər verir ki, Çətin bunları söyləyib:
“Premyer Liqada və kubokda istədiyimiz yerdə olmadığımız üçün komandada və klubda əhval-ruhiyyə aşağıdır. Ancaq bizim vəzifəmiz qarşıdakı 4 oyunda qələbə qazanmaq və çempionatı yüksək əhvalda bitirməkdir. “Rəvan”la oyuna ciddi hazırlaşdıq. Məşqlərdə üzərində işlədiyimiz tapşırıqları futbolçular lazımınca yerinə yetirdikləri üçün məmnunam. Oyun boyu intizamı saxladıq. Oyuna hakim olan, dəqiq ötürmələr verən, həm oyundan zövq alan, həm də oyunu ilə azarkeşlərə zövq verən bir komanda gördük bu gün. 4:0 hesablı qələbə qazandıq, buna görə çox şadam. Eyni ciddiyyəti və qələbə əzmini qarşdıakı oyunlarda da göstərəcəyik”.
(PFL)
